Donatien Laurent 'zo aet da Anaon e fin miz Meurzh d'an oad a 84 bloaz. Brudet eo 'vit bout adkavet ha studiet ar c'harnedoù enno ar c'hanaouennoù dastumet gant Kervarker. an danvez 'oa bet implijet gant ar Beskond 'vit embann an dastumad Barzaz Breizh. 'Giz muzikologour, ethnologour ha yezhoniour 'neus labouret e vuhez 'pad. Rener Kreizenn Enklask Breizhek ha Keltiek 'ba Brest eo bet 'pad 12 vloaz etre 1987 ha 1999. E-kerzh ar bloavezhioù tremenet 'neus bet tro Nelly Blanchard da labourat gant Donatien Laurent. Hervez ar gelennerez-enklaskerez 'ba Skol-Veur Brest eo ur sapre koll marv 'ni neus studiet pizh gwerzhioù 'vel Skolan pe c'hoazh Loeiz Ravallec. Klevet 'peus ul lodennig eus ur pennad-kaoz 'oa bet enrollet gant Herve ar Beg en Arvorig FM e 2009.