Sarret eo ar mirdioù dibaoe fin miz Here diwar ziviz ar gouarnamant, evel an holl ensavadurioù sevenadurel, a-benn talañ deus red ar virus kurunenn. Daoust dezho bezañ sarret padal, ne chomont ket hep ober netra, ha tachañ a reont da zegas ar sevenadur d'an holl, e kement doare a gavont. Gant mirdi an Arzoù Kaer e Kemper da skouer, oa bet bet graet berzh gant ar gweladennoù en linenn, kinniget da glasadoù lise pe skolaj. Gall a reer gwelet ivez war lec'hienn ar mirdi koleksion an holl oberennoù dalc'het gantañ, ha bet niverellet gantañ. Ha bremañ p'eo deuet mare ar vakañsoù, zo bet kavet un doare brav da enoriñ un nebeut deus an oberennoù arouezhiusañ er mirdi : ur video a vo embannet bemdeiz gant ar mirdi war e bajenn Facebook, gant an arzour Damien Rouxel o tañsal dirag un oberenn. Annaig Loizel, heñchourez e Mirdioù kêr Gemper, a lâr domp penaos e ra an arzour ouzhpenn dañsal evit ar Mirdi... Tresadennoù Christine le Née, ha dañs Damien Rouxel, a zo da vezañ kavet war bajenn Facebook mirdi arzoù kaer Kemper.