Tost pemp kant a dud 'oa bodet dirak ar sal arvestoù brasañ 'zo 'ba Brest, ar C'houartz, dec'h 'vit embann pegen poanius eo bet klevout ar c'heloù gant Jean Castex ar sizhun dremenet: divizout derc'hel serr ar salioù arvest, ar mirdioù ha kement 'zo. N'hall ket an arzourien, an deknisianed labourat en ur mod boutin 'baoe miz Meurzh paseet. Dre se 'c'hall bout lakaet en arvar ar bed sevenadurel en e bezh. Dav 'vo gortoz, d'an abretañ, ar 7 a viz Genver, 'vit gellout digeriñ ar salioù en dro. Koulskoude n'eo ket 'bar salioù se 'neus redet ar C'hovid 19 ar muiañ 'pa 'oant bet addigoret. ar c'hontrol 'zo kaeroc'h hervez Quentin Morvan, soner ha komedian anezhañ, 'ba Brest.