Plantiñ gwez e Brieg enep Amazon
Emañ ar stal Amazon o lediñ e Frañs, hag o klask streviñ savadurioù dezhañ e pep lec'h. Hag alies mat ne vez ket graet un degemer mat dezhañ gant ul lodenn deus ar boblañs. E Breizh emañ ar stal gwerziñ en linenn o klask sevel un hañgar stokiñ e Montbert e kichen an Naoned, hag un ajañs dasparzhiñ e Brieg, e kichen Kemper. Disadorn zo bet ur vanifestadeg gant 2000 a dud en Naoned evit mont enep raktres Montbert. E Brieg zo bet un 300 den bennaket betek an dachenn werzet, ha plantet pe hadet zo bet gwez ganto war ar prad. Ur bern abegoù a vez degaset ganto da vezañ feuket gant donedigezh Amazon e Breizh. Un diouer a zemokratelezh a zo deus perzh ar stal da gentañ. Bet oa Tunvezh Gwlagen-Grandjean er vanifestadeg...