Nac'haet 'zo gant annezidi eus Sant-Kadou ha Menez Are, bodet 'bar gevredigezh Kurun, 'vo staliet ur peul gant Free staget outañ ur stign da c'hellout telefoniñ gant ar pellgomzeriou hezoug. Dec'h 'oa un ugent bennaket a vanifestourien o klask harzhañ pilañ ar gwez lec'h 'zo raktreset sevel ar peul, 'ba Roz ar C'hoel, chouk bourk Sant-Kadou. 'Vit Chantale, 'zo o chom eno, 'zo danjer 'vefe staliet ar 5G war un dro. War blas 'oa Erwan Blanchard. Memestra 'oa gellet komañs pilat gwez.. Met buan 'walc'h 'oa paouezet en ober gant al labourerien. Etre ar vanifesterien hag an archerien 'oa bet un tamm jeu, met 'oa ket padet pell. ha warlerc'h kuitaet an dachenn gant an holl. Memestra 'chomo an izili eus Kurun war evezh 'kerzh an deizioù da dont. Surmat 'vo klasket mont war raok gant al labourioù da gempenn an dachenn. Ha 'benn dimerc'her 'vo embannet gant lez-varn Brest disoc'h ur rekour a-enep staliañ ar peul 'vit ar pellgomzerioù.