Dec'h e oa un devezh harz-skol e Sant Riwall hag e skolioù all bro Montroulez. Diaes eo lâret pegen braz eo an niver a dud kounaret o welet o bugale mont d'ar skol gant ur maskl adalek 6 bloaz. E fin vakañsoù an diskar-amzer pemzekteiz 'zo, e oa bet spontet kerent 'zo o klevet diviz nevez ministrelezh an Deskadurezh Stad, da vont enep red ar c'hovid-19. Ar pep brasañ deus ar vugale a zo aet d'ar skol gant ur maskl fin ar gont. Mez e skolioù 'zo, zo bet gwelet ur bern kerent o tivizout derc'hel o bugale er gêr. Gwir eo e skol Sant Riwall da skouer. Dec'h e oa bet aozet un devezh harz-skol gant tud ul lodenn vat deus ar vugale. Kazi an hanter deuhouto a zo chomet er gêr. Adrien a zo tad tri bugel skoliataet e Sant Riwall. Daoust ma 'n eus ket deus aozadurioù familhoù ofisiel da zifenn osavoù poent, e klask tud ar vugale da gas ar stourm-se asambles. Dec'h d'abardaez e oa en em gavet tud bugale skolioù bro Montroulez holl, o tont deus Sant Riwall, mez ivez deus Ploneour-Menez, pe c'hoazh deus Pleiber-Krist.