Aet eo ar maout gant Joe Biden da geñver an dilenndagoù prezidant. Disadorn 'oa embannet ar c'heloù ur wech aet Stad Pennsylvania gant an danvez prezidant demokrat. 'Vit ar poent eo 290 dileuriad meur 'zo o vont da votiñ 'vit Joe Biden ha Kamala Harris, ar bez-prezidantez, ha 214 gant ar Republikan Donald Trump a chomo prezidant beket an 20 a viz Genver. 'Benn ar 14 a viz Kerdu 'vo votet gant an dileuridi meur 'vit dilenn da vat ar prezidant nevez. 'Vit ul lodenn vat eus an amerikaned eo un disamm an trec'h gant Biden war dTrump. C'hwezek milion ha tri ugent a dud 'neunt votet 'vit Biden: unan eus disoc'hoù uhelañ 'ba istor an dilennadegoù prezidant... Disammet eo an demokrated 'vel Ginny Hekinian, amerikanez anezhi o chom 'ba Lokournan chouk Brest.. Selaouomp 'nezhi diouzhtu. Ouzh mikro Erwan Blanchard ha Karolina Ruffle.