Met poaniañ a ra an demokratour da c'hounid an dilennerien braz diwezhañ. Gounezet 'n eus an danvez prezidant evit poent da nebeutañ 253 zilennad-braz diwar an 270 a faot kaout a-benn bezañ lakaet da brezidant. Lod mediaoù a breg a 264 evit Biden zoken hag e chomfe dezhañ da gaout 6 dilennad braz c'hoazh neuze nemetken. Mez Donald Trump, o kaballiñ eñ evit chom en e blas, a gas rekouroù justis e muioc'h mui a Stadoù. E Stadoù ar Michigan hag ar Wisconsin hag a zo o paozañ bezañ bet kollet gant Trump e kerzh an noz, 'n eus goulennet ma vo kontet ar mouezhioù en dro. E Georgia hag e Pennsylvania en eus goulennet ma vo harzhet gant an niveriñ. E Pennsylvania e c'hellfe ar mouezhioù bet kaset dre lizher lakaat an disoc'hoù da cheñch tu, ha mont deus tu Biden, peogwir e ouier e kentoc'h an dilennerien demokrat o deus votet deus a-bell. Eil strategiezh Trump eo plantiñ tan e speredoù ar Stadoù-unaniz tomm dezhañ, oc'h embann disehan eo eñ an hini a zo trec'h, hag o tiskleriañ eo bet falset an niveriñ hag an disoc'hoù diwezhañ. Hag e vez kredet gant e zilennerien. Kas a ra anezho da vanifestiñ du-mañ du-hont evit ma vo paouezet da gontiñ ar bilhidi mouezhiañ diwezhañ-se. Gwelet zo bet bodadegoù a seurt-se e kerzh an eurvezhioù diwezhañ e Stadoù ar Michigan, e Georgia, pe c'hoazh e Arizona. Deus an tu all emañ soutenerien Biden o vanifestiñ int e New York gant al lugan : « Count every vote », « kontit pep vot », a-benn ma vo kemeret e kont ar votoù dre lizher. Kevin Foley, o chom e kêr Washington, 'n eus eñ votet evit an tu demokratour. Lâret a ra domp penaos n'eo ket bet aezet mont da votiñ evit ar Republikaned ha n'houlent ket reiñ o mouezh da Drump... "Ur rekipe o kas d'ar gwallzarvoud eo", a lar Kevin Foley, hag eo kaset gant dilennad kentañ ar vro. Mouezh e brezhoneg : Manon Renault