Dimeurzh eizhteiz 'zo 'n oe ar gouarnamant lañset ar prantad brec'hiañ enep kleñved ar grip. Ha ne dremen ket dres maread ar grip evel ma ra boaz, dre ma zo bet ar bloaz-mañ deus kleñved-red ar c'horonavirus. Muioc'h a dud a ya da vezañ vaksinet da skouer. 5 million a zozenn vaksiñ a zo bet gwerzet dindan ur sizhunvezh, kement hag an hanter deus ar re a voe bet gwerzet e kerzh ar bloavezh 2019 en he fezh. 13 million a zozennadoù a tlefe bezañ produet gant an apotikerezhioù ar bloaz-mañ, e plas 11 million ar bloavezhioù all. Lod labourerien ar yec'hed, boaziet da chom hep bezañ vaksinet, 'n eus diskleriet bezañ graet an dibap en ober ar bloaz-mañ. 40% deus an dozennadoù war an niver a oa bet goulennet, a chom da vezañ produet gant al laboioù. Goulennet 'n eus Unvaniezh Sindikadoù an apotikerien ma vo abretaet an deiziad resevout anezho. Roger Boser, medisin war e leve, a zo deus mikro Tunvezh Gwlagen-Grandjean.