Gant enkadenn ar C'hovid 19 hag ar prantad enkañ eo aet kresk an ekonomiezh war sioulaat. Kollet 'zo bet un tamm mat a bPIB (produiñ diabarzh kriz) 'ba Bro-C'hall hervez an INSEE: 5,9% e-kerzh an trimiziad kentañ ha 13,8% e-kerzh eil trimiziad ar bloavezh. Un tamm mat a embregerezhioù 'neunt ranket serriñ pe c'hoazh dic'hoprañ tud. 'Ba Breizh 'zo efedoù kreñv war ekonomiezh ar Vro ha war ar stalioù. Taolomp ur sell asambles gant Malo Bouessel du Bourg war stad an traoù an deiz a hudu war an embregerezhioù 'zo ezelezed eus Produet e Breizh. 'Bar rouedad se 'zo bodet 420 stal ha 110 000 goprad 'ba Breizh 5 departamant. Ur studiadenn 'oa bet renet gant Produet e Breizh e-kerzh c'hwec'hmiziad kentañ ar bloavezh 'vel 'pezh a displeg deomp Malo Bouessel du Bourg ar rener. Emañ ouzh mikro Erwan Blanchard.