Ur gerzhadeg, evit souten an dud dipaper, 'zo dalc'het abaoe pempzketez. Ar pal 'vo en em gavout 'ba Paris evit manifestiñ dirak Palez an Elysée, d'ar 17 a viz Here. Fellout a ra d'ar vanifesterien 'vo roet muioc'h a wirioù ha paperioù d'ar repuidi 'zo dibaper. Ur stourm eo ivez evit ar gevredigezh « Solidarité exilés Hennebont », 'ba Morbihan. Souten ha degemer a ra ar repuidi hag ar re-zipaper. Christian Meut zo ezel eus ar gevredigezh. Degas a ra titouroù ha displegadennoù deomp diwar benn "Solidarités exilés Hennebont". Ouzh mikro Yuna Cojean. Soner eo Kristian Meut ivez... Seniñ a raio 'ba ur gouel kengred warc'hoazh, 'ba Melrann. Aozet eo gant ar gevredigezh KerOchap. Arvestoù ha sonadegoù 'vo. An arc'hant 'vo gounezet 'yaio gant div gevredigezh : Halem, Association d'Habitants de Logements Éphémères ou Mobiles... ha Éducation sans frontières bro Pondi.