E pad pemzkteiz zo bet lakaet ar vugale e klasoù CP ha CE1 da dremen arnodennoù da briziañ o gouizigezhioù war ar galleg hag ar matematik. Tri bloaz 'zo e oa bet lakaet an dra-se e plas gant Jean-Michel Blanquer, ha kerkent eñ deuet da vezañ ministr an Deskadurezh Stad. Un doare da soñjal ar c'helenn d'ar vugale hag a zo kozhaet, hervez kelennerien 'zo. Sindikad ar SNUipp 'n oe embannet zoken e soutenfe ar skolaerien o nac'hañ lakaat an arnodennoù da dremen. Antoine ha Sklerenn a zo skolaerien ha dileuridi ar sindikad e Penn-ar-Bed. Lâret e reont pegen distabilaet eo ar c'hlasoù gant an arnodennoù, ar bloaz-mañ muioc'h eget biskoaz, goude 6 mizvezh ehan skol. Emaint deus mikro Tunvezh Gwlagen-Grandjean.