Un tamm trec'h evit ar bak brezhoneg, evel yezh vev, LVB, ha n'eo ket opsion. Gant div liseadez hag ul lisead en hentad divyezhek el lise Pavie e Gwengamp, er c'hentañ klas, 'oa goûlet gellout tremen ar brezhoneg evel yezh vev, un dra anat evite. Betek-hen 'oa bet nac'het dionte, hag ar sizhun dremenet 'benn ar fin 'devoant bet keloù mat. Graet 'vo! Laouen-kaer ar re yaouank hag ar re all o souten anê. O zud evel-just, Div Yezh ivez a-dra sur, ha tud en o anv. Disadorn 'oa pedet an dud war o zro, da displegañ ar jeu, ha lidañ un tamm ivez. Selaouomp Ambre Kucheida, Colyne Robert, hag Ifig ar Gonideg o lâret deomp petra eo o santimant hirie. Rémi Toulhoat, prezidant Div yezh Breizh, a oa e Gwengamp o souten al liseidi ivez. Ur reportaj gant Tugudal Karluer