Embannet eo gant Emmanuel Macron 'vo digoret ar skolioù en dro 'benn an 11 a viz Mae. Diwar diviz prezidant ar Republik int serret 'baoe ar 16 a viz Meurzh 'gaozen d'ar C'hovid 19. Ar sizhun 'mañ 'zo bet embannet gant ministr an deskadurezh Stad, Jean-Michel Blanquer, un nebeut resisadurioù war ar mod 'vo graet. N'eo ket an holl vugale en em gavo 'bar skol 'benn an 11 a viz Mae sur deoc'h met tamm ha tamm 'vo degemeret 'nezho. Ar re gentañ oc'h adstagañ ganti 'vo ar re vras 'zo 'bar skol-vamm, ar re CP hag ar re CM2. D'an 18 a viz Mae 'vo tro ar re 'zo e 6vet, trede, kentañ klas, liseoù micherel hag ar re 'zo e klas termen mont d'ar skol en-dro. Hag an trede gwagenn 'vo 'vit an holl liveoù all d'ar 25 a viz Mae. Kinniget 'neus ar ministr 'vo aozet kentelioù war eeun gant 15 skoliad war un dro d'ar muiañ hag hanter strolladoù. Sañset 'vo gouestlet gant ar gelennerien devezh an 11 a viz Mae 'vit aozañ distro ar skolidi. Met memestra 'vit ul lodenn vat eus ar gelennerien chom ur bern goulennoù c'hoazh. Setu 'pezh 'neus kontet deomp Kristel Kombot 'zo skolaerez e-karg eus ar re vras 'zo er skol-vamm ha eus ar re CP 'ba skol Sant-Julian 'ba Landerne. Gant Erwan Blanchard.