E-kerzh ar fin ar sizhun dremenet 'oa muzuliet kalite an aer 'bar vro gant "Air Breizh". ha kavet kalz a rannigoù bihan 'ban aer. Koulskoude 'n eus tost oto ebet o vont hag o tont gant an hentoù 'blam ma rank an dud chom klozet 'bar gêr. Rannigoù amoniak ha pestisid 'zo bet kavet. War ur skeul ya betek 10 'vit muzuliañ ar rannigoù en em gav al live saotadur da 8 'ba Hanter-noz Breizh ha da 7 'ba Kreisteiz ar vro. D'ar mare-mañ eus ar bloaz 'vez skuilhet hanvouez hag a bep seurt produioù war ar parkeier gant al labourerien-douar. Kement a rannigoù 'ban aer 'blam d'an amoniak 'zo dañjerus 'vit an dud 'zo klañv o skevent pe paket gant ar C'hovid-19 eme "Dour ha stêrioù Breizh". Deomp pelloc'h gant Pauline Kerscaven 'zo karget a gehentiñ ar gevredigezh. Gant Erwan Blanchard.