Hag en Il ha Gwilen, e vefe lakaet gwask evit abegoù politikel gant ar prefeti war Skol-Veur Roazhon 2 ? Setu ar pezh a c'heller soñjal goude darvoud dimeurzh war harzhoù ar skol-veur lennegel. Niverus eo an dud e Keryann da vezañ enep raktres lezenn ar gouarnamant da cheñch ar sistem mont war e leve. Koulz studierien, kelennerien, implijidi, ha prezidantelezh e oa e touezh ar 16 000 den o vanifestiñ e straedoù Roazhon daou zevezh 'zo. Mez da 2e, ur wezh echuet gant ar vanifestadeg, oa bet kavet un abeg dister gant ar boliserien evit kas un abadenn feuls e diabarzh ar metro, war live ar skol-veur. Anton Burel a zo studier ha kenbrezidant ar strollad Unvaniezh Studierien Breizh... E skol-veur Roazhon 2 zo bet divizet gant ar brezidantelezh da zaleañ an arnodennoù d'an distro-skol. Dibaoe dimerc'her tremenet, goude votadeg emvod meur implijdi ar skol-veur evit derc'hel gant ar stourm evit ur sizhunvez ouzhpenn, e oa bet nulet eeun an holl gentelioù betek ar vakañsoù gant prezidant Olivier David e-unan.