Betek dimerc'her noz c'haller votiñ 'vit dibab kanaouenn ofisiel ar Redadeg 'vo dalc'het 'benn 2020. War lec'hienn internet ar Redadeg emañ an holl ganaouennoù 'zo bet kaset eus Breizh a-bezh. Eizh kanaouenn 'zo bet savet ekspres kaer 'vit ar Redadeg, en o zouez "Redadeg ar vignoned" kaset gant ar strollad "Brest Prest Bepred" da laret eo Skol Diwan Gwelmeur 'ba Brest asambles gant ar gitarour Manu Corbel. Selaouomp, da gentañ, Mona. Eus Karaez, d'ar gwener 15 a viz Mae, e loc'ho ar Redadeg 'vit en em gavout d'an 23 a viz Mae 'ba Gwengamp. Abaoe 2008 'vez aozet ar Redadeg 'ba Breizh 'vit lakaat ar brezhoneg war wel ha dastum arc'hant evit harpañ raktresoù 'zo tro dro d'ar brezhoneg. Gant Erwan Blanchard.