Gant ur wir diwaskadenn eo skoet kleub foball War Raok Gwengamp dibaoe ur bloaz hanter d'an nebeutañ. Goude bout diskennet eus Lig 1 da Lig 2 ne ya ket mat gant kleub Bro-Dreger. Fall eo disoc'hoù ar skipailh kentañ. E 14vet plas goude bout c'hoariet 8match emañ ar re ruz ha du: gounezet daou grogad nemetken, tri match rampo ha tri match kollet. Met dreistholl eo al live c'hoari ha spered ar c'hoarierien 'zo aet da get ar bloaz-mañ hag a zegas drouk spered d'an holl supporterien. Koulskoude 'oa bet dibabet gant prezidant ar c'hleub, Bertrand Desplat, tuta ur gourdoner gant imor 'vit lakaat 'nañ e plas Jocelyn Gourvenneg. Patrice Lair eo an hini 'oa penn ar skipailh betek dilun tremenet. Dic'hopret eo bet gant Desplat hag erlec'hiet gant Sylvain Didot an is-gourdoner betegen. Deomp da selaou soñj ur supporter: Helori Gall-Carre ouzh mikro Erwan Blanchard. Bremañ emañ War Raok Gwengamp o klask ur gourdoner nevez 'vit reiñ d'ar skipailh. ha klask gounit an daou grogad 'vo c'hoariet war dachenn Roudourou 'benn 'sun all a-enep ar Mans (dilun noz) ha warlerc'h a-enep Rodez (digwener noz).