Div redadeg veur, gant rederien a vicher, 'vo dalc'het 'ba vro e-kerzh an dibenn sizhun 'mañ. Komanset 'vo warc'hoazh gant Tro Penn ar bed etre Sant-Evarzeg hag echuet 'vo 'benn dilun gant an Tro Bro Leon etre Plougerne ha Lanniliz. Brudet eo tro Bro Leon 'vit bout ur redadeg diaes kaer gant un droiad 'zo enni lodennoù gant ribinoù. Se 'zo kaoz eo lesanvet ar c'hours bet savet gant Jean Pol Mellouet e deroù ar bloavezhioù 80 "Paris-Roubaix" Breizh. Memestra 'yaio gant hentoù Bro Leon war dro 140 paotr yaouank eus 20 skipailh 'zo 'ba rummadoù World Tour, Continentales Pro ha Continentales, evit klask gounit ur redadeg 'zo 'ba rummad Kib Bro-C'hall. Petra nevez 'vo kinniget dezho e 2019. Selaouomp Louis ar Rouz 'zo o kemer perzh 'ban aozañ. Gant Erwan Blanchard. Da 11e 3o lorc'ho ar rederien eus Plougerne evit en em gavout 'ba Lanniliz war dro 4e30.