'Ba Landivizio e kendalc'h ar stourm a-enep d'ar greizenn d'ober tre-dan gant gaz. Tro-dro 50 a dud 'oa 'nem gavet 'barz un atant nebell eus an dachenn e lec'h ma 'zo sañset da vout savet ar greizenn 'vit un abadenn un tamm ispisial. Ne voa ket bet brudet kalz an afer, kuit da gaat re a gudennoù gant an archerien, hervez testoù dastumet war ar plas. Kaat un tamm fent etrezo en ur vrudañ un tamm an afer memes tra, setu 'pezh a felle d'ar stourmerien, 'nem staliet tost eus an dachenn gwarezet gant archerien a-bep-tu. Gwenvael Delanoe 'oa eno 'vit gwelout al lid ispisial-se. Jakez Kerhom 'zo un eus ar stourmerien... Ha n'eo ket achu ar stourm 'vel just. Kuzul ar Stad zo aet deus tu ar stourmerien e miz C'hwevrer 'vit reiñ ar gwir d'ar gevredigezh Force 5 da goulenn ma viche torret an aotrez da sevel ar greizenn. Un neubeut doserioù 'zo c'hoazh da vout kaset dirag al lezvarn neuze. Ha krog 'ra d'ober reuz an afer : un neubeut ekolojisted war'renk 'vit an dilennadegoù europead 'zo deuet d'or un tamm tro 'kichen an dachenn 'vit reiñ o soñjoù war an afer. Doc'h an tu all eo bet ad-embannet ga kannaded embregerezhioù'zo 'ba'r vro 'viche pouezhus-tre ar raktres-se.