Eurvezhioù TAP e skolioù Brest da vare kreisteiz
Cheñch eurioù d'an TAP er skolioù, ha lakaat 'nezho da vare kreisteiz eo 'pezh 'fell da zilennidi kêr Vrest ober. Staliet 'oa bet sistem an TAPoù e 2009, da laret eo ar prantadoù buheziñ goude an devezh skol. Ur sistem hag a ya mat en dro hervez kerent bugale ar skolioù publik. Kadarnaet 'oa bet 'pa 'oa bet lakaet e plas ar sizhunvezh 4,5 devezh skol ar sizhun. Gant ar gerent eo rebechet da gêr Vrest chom hep bout goulennet ganto o ali araok divizout cheñch mont en dro skolioù o bugale. Eric 'zo prezidant ar gevredigezh div yezh 'ba Brest a heuilh an afer a-dost. Ouzh mikro Erwan Blanchard emañ.
