Ar sizhun a-zeu zo un emgav etrevroadel braz evit an amzer da zont. Setu da nebeutañ ar pezh a c'heller gortoz deus an devezh Harz-labour Bedel Braz evit an Hin, lañset gant al liseadez bro Sued, Greta Thunberg. E pad 3 miz a oa chomet ar grennardez bemdez dirag Parlamant he bro, gant ur pannel « Harz-Skol evit an Hin ». Goulenn a ra digant ar bolitikerien kemer divizoù krenn, a-raog ma vo distrujet ar blanedenn davaat. Tamm ha tamm, gant ar brud he deus graet, zo deuet yaouankizoù all da gaout ar plac'h yaouank bep gwener, e Sued mez ivez e broioù all. E kêr Bruxelles int bet betek 35 000 den yaouank er straedoù e miz Genver o tiskouez o anken dirag o amzer da zont. Ur mizvezh 'zo c'hoaz, he deus Greta Thunberg brasaet an traoù. D'ar gwener 15 a viz Meurzh he deus kinniget ober un devezh Harz-labour Bedel Braz evit an Hin. Hag eo bet klevet betek e kêr Gemper. Tunvezh Gwlagen-Grandjean. Loig ha Sterenn a voe mouezhioù brezhoneg ar strollad liseidi o kas al labour prientiñ an devezh stourm da benn. Ennañ e vez kavet dreist-holl Philomène,