Evit fin ar vloavezh 2018 e kinnigomp deoc'h ober ur sell war gil war zarvoudoù pouezhusañ ar vloavezh. E miz Genver 2018, kazi bloaz 'zo, zo bet asantet gant ar CSA (Kuzul Meur ar C'hleveled) e vefe digoret ur Radio e brezhoneg penn da benn el Liger Atlantel. Ur raktres hag a voe bet douget gant skipailhad Radio Kerne. An div renourezh, Lou Millour ha Morgan Bramoulle a oa gwall fier d'ar mare-se, daoust d'ar sammad labour ramzel a oa o c'hortoz anezho... Evit poent n'ouzher ket resis pezavare e vo kroget gant ar skignañ davat, dre ma vez dav gortoz ur sin deus perzh ar CSA. Dleout a rafe bezañ graet en nevez-amzer 2019 memes tra. Kenderc'hel a ra hiniennoù da souten ar raktres deus pep korn Breizh en ur argantiñ a stroll Radio Noned war Helloasso. Gant Morgan Bramoulle deus mikro TUnvezh Gwlagen-Grandjean