"Bevañ mod pe vod" pe ///"Vivre à tout prix"/// setu titl ur bladenn 'zo o paouez bout embannet. Ur bladenn 'vit skoazell an ///IRTMS 'ba Brest/// da laret eo ul labourva a glask diskoulmoù 'vit pareañ an dud 'zo klañv gant kleñved ar gwad pe leucemie. Pal ar bladenn hag ar c'honsertoù 'vo kinniget eo dastum 30 000 euro. ///Christian Berthou,/// doyen 'ba skol-veur medisinerezh Brest, arbenniget war ar c'hlaskoù diwar-benn kleñvedoù ar gwad, 'neus goulennet gant Jean-Luc Roudaut kas ar raktres da benn: sevel un album asambles gant tud ar gevredigezh ///"Leucemie espoir"///. Setu un album 18 ton 'vo kinniget 'benn disadorn noz 'ba ///teatr Mac Orlan 'ba Brest///. N'eo ket ar wech kentañ e kan ha son arzour Plougerne 'vit klask rastellat arc'hant. Gant ///Erwan Blanchard.///