"Avañturerien ar Mor" e Kreizenn Bageal Eric Tabarli
Hiriv 'zo kroget darvoud « Avañturerien ar Mor » ba kreizenn bagoù dre-lienn Erik Tabarli en Oriant. Un emgav da badout betek disul, digor d'an holl, evit preg diwar-benn ekonomiezh ar mor, an en-dro, micherioù ar mor 'ba Breizh, hag all. Diskouezhadegoù, filmoù, kejadennoù hag atalieroù a-bop seurt 'vo kinniget da dout'n dud, ar re yaouank hag ar re gozh. Carole Tymen 'zo o vont da lâr dimp peseurt pal zo gant an darvoud-se, doc'h mikro Gwenvael Delanoe.
