Hag ur bern lec'hioù digoret evit an degouezh, mirdioù, kestell, lec'hioù istorel. Savet diskouezadegoù a-ratozh. E milin ar Palakred, en Sant Laorañs 'kichen Bear e kreiz Bro Dreger, 'oa kinniget meur a dra, kontañ istor ar vilin, bet milin da valañ ed d'ober bleud, 'raok bezañ da dilhañ lin ha troc'hañ koad, he betek ober tredan! Met un dra 'oa 'kreiz an abadennoù, un diskouezadeg poltrejoù tennet e penn kentañ an ugentvet kantved gant Yvonne Kerdudo. Ha dec'h 'oa un abadenn a-bezh da displegañ piv 'oa ar vaouez, ha petra 'oa he labour, re-holl a-bouez evit istor Bro Dreger, en hanter-kant vloaz kentañ ar c'hantved diwezhañ. Jakez an Intañv zo o labourat er Palakred, pelloc'h gantañ. Gant Tudual Karluer.