Daou vloaz 'zo 'oa skignet war Youtube an heuliad e brezhoneg "C'hwi a gano". An heuliad-se mod amerikan 'vit ar grennarded a zo bet savet gant Perryn Bleunven ha Justine Morvan, ha skoazellet gant ur bern mignoned. 20 000 a dud o deus bet sellet ouzh ar 5 rann 'ya d'ober koulzad kentañ « C'hwi a gano ». E-kerzh an hañv eo bet filmet eil koulzad troioù kaer ha poanioù kalon Lily, ur grennardez 'neus lakaet hec'h anv b'al lise arzel "An nor digor". Ha chomet eo gant memes spered an eil koulzad? Selaouomp Justine Morvan 'zo sevenourez hag aktourez 'ba « C'hwi a gano ». Emañ-hi deus mikro Erwan Blanchard.