Bep bloaz e vez pedet eno begenn skrivagnerien polis Breizh, Frañs, hag ar Bed. Ar bloaz-mañ eo bet levezonet ar festival gant dispac'hoù miz Mae 1968, hag a vez lidet e 50 vloaz. Dre brezegennoù ha lennadegoù e vo degaset da soñj en eus ar maread-se, lakaet ar sevenadur poblek da vezañ doujet muioc'h outañ, ar romantoù polis en o zouezh. Ur plas brav a vez roet bremañ er festival da zoareoù lennegezh poblek all : ar bandennoù treset, hag al lennegezh e brezhoneg dreist-holl. Loeiz Bodivit 'n eus pedet tri skrivagner breton da zont da breg deus o levrioù nevez embannet, dirag o lennerien. Emañ deus mikro Tunvezh Wlagen-Grandjean.