Roet zo bet an dibap gant prefeti Penn-ar-Bed da 8 divroad : pe mont d'ar skol, pe kaout ur gambr er PRAHDA. Displijet eo bet prefeti Kemper o welet 8 repuad lojet er PRAHDA mont da heuliañ kentelioù en ur skol savet evito er C'hloastr-Plourin e kichen Montroulez. Dimeurzh tremenet zo bet digorret ar Skol Alternativel er Menez Are gant ar gevredigezh « Utopistes en action ». 12 den a heuilhe kentelioù war ar galleg a hed ar sizhun, hag atalieroù a bep seurt goude meren. Ur skol savet gant tud a youll vat evit tennañ divroidi ar PRAHDA deus o endro griz. E pad mizvezhioù e vez gortozet ganto ur respont d'o goulenn bod e ostel F1 Kemper. Tri devezh goude digorradur ar skol zo diskleriet da skolidi nevez e vefe kollet ganto o flas er PRAHDA ma kendac'hent da heuliañ kentelioù e skol ar C'hloastr. Jakez, ezel ar gevredigezh les Utopistes en Actions, a zo deus mikro Tunvezh Wlagen-Grandjean.