Dirgwener zo bet kaset d'ar prefeti un teulhiad 40 raktres hiniennel, da c'houlenn bezañ anavezet hervez lezenn. Ne asante ket tud ar ZAD kas teulhiadoù raktresoù labour-douar hiniennel d'ar prefeti betekhen. Kav a ra dezho eo dibosubl d'al labourerien-douar eno mont en dro hep an « ekosistem » raktresoù all a vez kavet kichen ha kichen. Ur souezadenn eo bet neuze dirgwener, pa oa bet leuniet ar fichennoù simplaet goulennet diganto gant ar prefeti. Un atersadenn gant Tunvezh Wlagen-Grandjean... Emañ bremañ Bodadeg Implijerien ar ZAD o c'hortoz respont ar Stad. Da heul an emgav gant ar brefetez zo bet dalc'het disadorn d'abardaez Bodadeg Meur holl strolladoù difennerien ar ZAD. An diviz zo bet kemeret da c'halvañ an holl da vont da sevel al lec'hioù distrujet en dro kerkent bennisul ma vez adkroget gant ar skarzhadegoù ar sizhun-mañ.