Ur gavadenn zibar a zo bet graet en Ardewen e miz mezhewen paset ha pa oa bet dijablet porzh ar person. 25 kaierad ha lan a baperioù skrivet e brezhoneg get daou veleg : an aotrou Mathurin Oliviero ganet e 1860 hag an aotrou Pierre-Marie Rival ganet e 1861. Fiziet eo bet an traoù get ti-kêr an Ardewen e Ti Douar Alre, dezhe da welet peseurt talvoudegezh oa d'ar skridoù-se. Hag ur pezh a drezol a zo bet kavet, talvoudus braz doc'h ma sell ar yezh, ar relijion hag ar fesonioù da veviñ en amzer-se da lâret eo penn diwezhañ an nandekvet kantvlead ha penn ketan an ugentvet kantvlead. Gouiamp pelloc'h get Daniel Carré, prezidant Ti Douar Alre.