Dec'h e oa en em gavet Hadrien Retailleau ha Bleuenn Tepot 'ba Plabenneg. Graet 'neunt an hent etre Tremargad ha Bro-leon war droad evit kas nav buoc'h brizh du d'o atant nevez. 130 kilometr dindan trizek devezh! Ur sapre taol-kaer 'vit ar c'houplad a dud yaouank c'hallo labourat asambles a-benn bremañ. Evito e oa ur mod da diskouezh e c'haller bout peizanted mod all gant doujañs evit an en-dro. Ur wech staliet 'ba Kerilio 'vo produet ganto legumaj, savet moc'h, gounezet ed 'vit fardañ bara ha produet leazh. Peadra d'an daou beizant yaouank da bourveziñ ar stal Keribio 'zo war atant tud Bleuenn dija. Met ar veaj etre Tremaragat 'zo 'ba kreiz Breizh ha Plabenneg 'zo bet, da gentañ, un dro gaer 'vit kompren ha deskiñ kalz war ar saout brizh du. Selaouomp Bleuenn. Ouzh mikro Erwan Blanchard.