4000 goprad hag 800 saver-yer 'zo o labourat evit Doux. En arsav lezennel emañ an embregerezh abaoe penn kentañ miz Even. Ul lodenn eus an dle - 340 million a Eurioù en holl - 'zo lakaet war chouk ar beizanted a zo paaet bremañ, ouzhpenn 100 devezh goude bezañ kaset ar yer d'an usin, e lec'h 30 devezh a raok. Abalamour d'an dra-se e c'hortoz Jean-René - saver-yer e Bro Gerne - 37.000 Euro digant Doux ! Setu ar pezh 'neus displeget diouzh mikro Anne Gouerou @@@Mank a ra arc'hant fresk da Doux@@@ Diaesterioù a grog da gaout ar strollad evit prenañ boued evit al loened. Setu perak e c'houlenne ar strollad ar gwir da werzhañ unan eus e embregerezh, hini anvet Stanven, staliet 'ba Plourae, espesialiset war ar boued evit ar chas hag ar c'hizhier. Lez-varn koñverz Kemper a roio e respont war ar goulenn-se goude merenn hiziv.