An unnekvet Vannetaise oa savet dec'h e Gwened. E-kreiz ar miz Roz eh omp, un darvoud savet e Frans a-bezh da vonet enep krign-bev ar vronn. Ur bochad redadegoù a-seurt-se a vez bremañ e pep korn a Vreizh. Dec'h e Gwened o doa en em gavet 8500 maouez da redek pe da gerhet assambl, enep ar c'hlenved-mañ. An digarez da rastellat argant evit raktresoù er vro da aesaat buhez ar maouezed klañv ha da embann d'ar re n'int ket emañ a-bouez monet da ziguzhat ar c'hrign-bev ingal. Ur c'hlenved hag a vez pareet mat hiziv an deiz. Èl ma lar Valerie deomp. Pemp bloaz zo e oa chomet klanv get krign-bev ar vronn ha bet e oa é redek dec'h. Doc'h mikro Yaelle ar Mouel.