Ul lodenn vras eus an tud o doa votet evit Jean-Luc Mélenchon d'an dro gentañ o deus votet evit François Hollande d'an eil tro. Marteze betek 90% deus outo, hervez ar soñdajoù graet dec'h. Gall a reomp ijinañ un dregantat heñvel a-walc'h evit voterien Eva Joly. Bremaik 'n eus embannet Cécile Duflot, sekretourez broadel Europa Ekologiezh, e yafe kuit eus he fost e fin miz Even, goude an dilennadegoù deputed. Ne 'vefe ket souezhus e vefe galvet da gemer perzh er goarnamant nevez 'vo lakaet e plas a-benn nebeut ivez... Cheñchamantoù 'vo. Gortozet int ! a lavar deomp Naig Gars, kuzulierez rannvro UDB a soutene Eva Joly da gentañ ha goude François Hollande, evel just. Naig Gars, enrollet dec'h da noz dirak ti-kêr Kemper