Abadenn Nnn 165 b_ Lizherioù ag an 28.11 hag an 2.12.1916 Lec'h : e-kostez Montdidier (Oise) ///Arc'hoazh eh aomp da dostaat d'an toulloù. An deiz àr-lerc'h e vimp enne. Didrouz eo an tachad... Keit ha ma pado ar rec'hier war aojou Breiz, e pado evit ma Dous, ma c'harantez em c'hreiz... Eh omp en ur c'hoad, 2 lev doc'h menez didier. Graet em eus an hent hep re a vizer ar wezh-mañ... Eh omp amañ oc'hpenn ul lev doc'h al linenn : kalz a drouz nend eus ket, na dañjer ebet... En un toull don èl ur bez, ha ledan èl ur bez ivez... Interret e bev. Met didrouz on, ha gellout a ran lenn d'an noz hag ankouaat èl-se ar vuhez goulle ha didalvez-mañ... Kas a rin deoc'h ur mandat an deizioù-mañ...Ar C'hlanch a zo arru genomp en-dro... Ne faot ket bout souezhet ma ne gerzh ket al lizherioù e-pad ma vimp é postal. Just e vehe paeiñ al labourizion èl ar soudarded... C'hwi a c'hellahe marse kas Guénel d'ar skol, tammigoù./// Job ar C'hlañch a Lannarster : unan a « fakteured » Loeiz, labourer porzh ha peizant. Soudarded bet degaset da luzinioù an a-dreñv é c'houlenn kresk àr o goproù ; ar beizanted mobilizet a vez dalc'het er brezel. Reizhted ha . direizhted.