Digwener 'oa falc'herien OGM er-maez en Aodoù An Arvor, kement ha disklêriañ an danvez OGM, pe OGK e boued al loened e Breizh, ha war-un-dro, implij ar glifozat, molekulenn a vez kavet ba'r roundUp. Abred beure 'oa en em gavet un hanter-kant bennaket a dud, dirak ar stal Nutrea, e Plouagad, etre Sant Brieg ha Gwengamp. Nutrea, perzh er c'hooperativ Triskalia, zo he c'hevridi pourchas boued d'al loened. Stanket 'oa bet ar stal adalek 7e beure, da c'hortoz e teufe prezidant triskalia, Georges Galardon, da displegañ e zoare. Hag eñ bet, hag eskemmet 'pad ur pennad mat gant ar stourmerien, hep na deufe netra fetis 'maez ar gaoz 'vat. 'Troioù kreisteiz 'oa bet laosket ar plas, 'raok mont ba'r stalioù bras 'Kostez Sant Brieg, da gentañ da etiketenniñ pakadennadoù kig, o reiñ da c'hoût 'oa bet maget al loened gant OGM, ha da-heul livañ produioù diwar glifozat, evel ar roundup, kuit na vont gwerzhañ. Selaouomp gant Bronwenn petore abegoù zo d'ur seurt oberenn. Gant Tugdual Karluer.