Setu digoret Ti ar Vro Bro Gwened.
Ur lec'h gortaet braz a-c'houde bleadoù get izili kevredigezhoù ar vro. Gozik tregont vlez 'zo oa goulennet un ti a-seurt-se dija. Un ti da lakaat àr-wel sevenadur ar vro ha da sevel darvoudoù e kornad Gwened. Staliet eo Emglev bro Gwened er c'hreiz-kêr e-barzh ar savadur ma oa skol-veur ar gwir e-raok. Kinniget e vez kentelioù brezhoneg dija, ha prezegennoù iwez get Skol Uhel ar Vro. Tamm ha tamm e kresko sur-walc'h ha gortoz a ra ar skipailhad tud youl-vat, ma vo tu dezhe krouiñ postoù-labour d'er lakaat da veviñ àr ar pemdez. Gouiamp pelloc'h get Tugdual Kalvez, perzh er c'huzul-merañ.
