"A galon" : ur gevredigezh da sikour an dud en dienez dre ar bed
Dirak aod Pors ar Vag e Ploudiern ez eus un tiig krampouez bihan doare paillotte. Du-se eman stal Tatabel, pe Annabel ma fell deoc'h, hag a aoze hiziv ur marc'had artisanelezh. Un digarez evit ar vaouez yaouank da lakaat an dud da gejan asambles ha da sevel raktresoù, e-giz ma ra hi gant he c'hevredigezh « a galon » savet 10 vloaz 'zo breman. Gant « a galon » e vez dastumet arc'hant, boued, dilhad ha me 'oar evit sikour an dud en dienez e pep korn ar bed. Deomp da c'houzout hiroc'h gant Gaedig ar Rouz hag a heul a-dost al labour 'vez kaset da benn gant Anabel hag « a galon ».
