44vet festival Fisel e Rostrenn.
Èl bep blez e vo a-bep seurt abadennoù èl koñsertoù, festoù-noz, sonadegoù e karavanennoù, stajoù dans ha muzik. kement-mañ da zijoleiñ dañs an terouer-mañ : ar fisel. Degemeret e vo arzourion ar vro sur-walc'h mes iwez arzourion a belloc'h èl ar sonour bouest an diaoul Lionel Suarez, ar c'hanour André Minvielle pe ar strollad Baratte ag ar vro Chablais en Alpoù. Gouiamp pelloc'h àr spered ar festival-mañ get Rozenn Talec, perzh er skipailhad aoziñ hag Alan Rouz, hag a gano 'benn digwener. Emaint o daou doc'h mikro Yaelle ar Mouel.
