Bretoned 'oa 'ba kampionad ar bed Wave-ski!
Emañ kampionadoù ar bed ar wave-ski o paouez echuiñ. E Bro Bortugal e oa dalc'het ar c'hrogadoù evit ur sport ha n'eo ket anavezet mat c'hoazh, ur meskaj etre ar c'hayak hag ar surf. Un toullad breizhiz o deus kemeret perzh er genstrivadeg ha deuet eo brav-tre ganto. Emma Guemas a zo distro gant ar vedalenn arc'hant er rummad cadettes, Noé Le Meil gant an trede plas hag un toullad reoù all a zo plaset mat war ar podiom hollek.
Emgav neuze gant ar c'hampioned, Noe Le Meil ha Tristan Meñs-Pegailh. Met deomp da gaout da-gentañ soñj Per, tad Tristan hag en eus heuliet ar skipailhad e bro Bortugal. Emaint ouzh mikro Katell Uguen.
