Un devezh gouel e Santez Anna Gwened.
Lidet e oa santez ar Vretoned en arbenn ag ar pardon braz. Èl bep blez e oa bet miliadoù a berhinderion. Ar blez-mañ en doa An Aotrou eskob a Wened Raymond Centène pedet an aotrou Jean-Clément Jeanbart, arc'heskob Bro Syrie anezhoñ da vout e penn an overenn bred getoñ dec'h. Un tamm e-raok, da 9 eur e oa lidet an overenn e brezhoneg er chapel a-dreñv an iliz. Selaouamp doc'h Aimé Kerguéris, Mickael Messina hag ar beleg Dominique De Lafforest.
