Beviñ assambl get "Les toits partagés" en Oriant.
a-c'houde 6 vlez 'zo emañ ur strollad tud é klask sevel ar raktres-mañ. Krouiñ ur savadur lec'h ma vo tolpet ranndioù, ha lec'hioù arall a c'hello servij d'an holl. Lec'hiet e vo ar savadur e karter ar Manio e-tal an ti-gar. Daouzek ranndi a zo en holl, 7 anezhe a zo miret dija ha chom a ra 5 familh da zegemer neuze. Evit brudiñ ar raktres-mañ ha monet àr-raok e vo un emvod foran 'benn digwener e ti-kêr an Oriant da 8e da noz. Claude Jouanno a zo perzh er raktres a-c'houde 5 blez 'zo. Hiroc'h getoñ douzh mikro Yaelle ar Mouel.
