Daou viz 'zo eo bet kondaonet Jacqueline Sauvage da 10 vloaz a doull-bac'h 'vit bezañ bet lazhet he gwaz. Ur gwaz hag en eus bet skoet ganti ha gant e vugale e-pad ouzhpenn 40 vloaz. Kroget eo ar mediaoù d'ober anv deus an afer-mañ ha niverus eo an dud o klemm, direizh a-grenn evito e vefe kondaonet ur vaouez a zo bet bazhataet ul lodenn-vras deus he buhez gant he gwaz. Ouzhpenn 300 000 a dud o deus sinet ur skrid-galv da c'houlenn gras digant ar prezidant evit ar vaouez-se a 68 vloaz. Disadorn e oa aozet darvoudoù e pep korn e Frañs 'benn souten Jacqueline Sauvage ha goulenn ma 'vefe dieubet. E Kemper eo bet aozet un « happening » gant ar Planning Familial 'benn reiñ da glevet he istor ha lakaat an dud da sinañ. Selaouomp Aziliz Bourges, ezel eus Planning Familial Douarnenez, emañ ouzh mikro Katell Uguen.