Nevez 'zo 'zo igoret un uzin nevez gant ///Trecobat./// Un uzin da sevel tiez koad. Savet eo just e-kichen sez an embregerezh 'ba Lannilis. Abaoe 30 vloaz 'vez savet tiez koad gant Trecobat dindan anv ar stal ///Nature et Bois///. Un uzin nevez 'oa ret kaout 'vit respont d'ar goulenn sevel tiez a ya war gresk: 150 ti 'oa savet warlene 'ba Breizh ha 'ba Bro-C'hall gant ar stal eus Bro-Leon. Renerien ar stal 'neunt postet, neuze, pevar million a euroioù 'ba o benveg nevez. Micherourien Nature et Bois 'gav o lod ivez: modern flamm eo ar stal nevez. An holl vekanikoù 'zo nevez hag otomatek. Neuze eo aesoc'h ha plijusoc'h o labour. Selaouomp ///Michel Mescoff ///'zo munuzer 'ba Nature et Bois abaoe 15 vloaz. Ur reportaj gant ///Erwan Blanchard.///