Disadorn 'oa bet manifestet e Pondi a-enep d'an tu-dehoù pellañ. A-enep d'an tu-dehoù pellañ 'oa bet galvet da vanifestiñ bepred, a-enep d'ar stad a urjañs, ar stad a zifrae, 'oa ivez, war-lerc'h ma oa bet difennet ar vanifestadeg gant prefed ar morbihan dimeurzh. Ur respont 'ni 'oa d'ar vodadeg gant ar stroll politikel breton Adsav, tu-dehoù pellañ, bet d'ar 14 a viz Du. An deiz war-lerc'h ar gwalldaolioù e Pariz end-eeun. Ar goulenn nac'h aotre da vanifestiñ 'oa deut a-berzh an UCIAP, kevredigezh ar goñversanted, aozet ganti marc'had an Nedeleg e kreiz kêr Pondi. Aon 'oa na vefe savet trubuilh, etre strolladoù tud 'enep. Raktal war-lerc'h an difenn gant ar prefed 'devoa embannet an aozerien derc'hel ganti. Ha daou devezh goude 'oa bet keloù kontrol. 'Benn fin 'oa bet, hiniennoù graet gante o soñj d'en em vodañ daoust da bep tra. Bihanoc'h an dud evit na oa bet soñjet da gentañ 'vat, sur deoc'h, klouaraet anezhe gant ar prefed. Reportaj war blas gant Tudual Karluer.