Trec'h eo ar listennad kaset get Jean-Yves an Drian hag ar PS get 51,41 dregant ag ar mouezhioù. Dilennet eo bet neuze e penn ar rannvro evit an deirvet gwezh. D'e heul emañ Marc ar Fur ag ar republikaned get e listennad «  Chwaj Breizh ». Dastumet en deus 29,72 dregant. En trivet lec'h emañ Gilles Penelle e anv ar Front National get 18,87 dregant ag ar mouezhioù. 53 lec'h a vo get izili listennad Jean-Yves an Drian. Selaouamp doc'h unan anezhe Paul Molac, kannad bro Ploervael ha nevez-dilennet er vodadenn rannvroel neuze Hiroc'h e lara deomp a-zivout disoc'h an dilennadeg.