Digwener da noz e Pluergad e oa bodet izili ar Gerlenn da lidiñ an darvoud-mañ. Ganet e oa bet ar gevredigezh e 1985 da heul "Le Cercle culturel Alréen" savet e penn ketan ar bleadoù 1970 get Job Jaffré, Jean Péron hag Octave Quigna - pe Sten Kidna. Ar skol-noz da zeskiñ brezhoneg a zo chomet bev atav a-c'houde hag emañ c'hoazh kalon Kerlenn Sten Kidna. Ouzhpenn kant a dud a heuli kentelioù brezhoneg e bro an Alre àr pemp live dishenval. Pezh hi laka da vout unan a brasañ skol-noz e Breizh hiziv an deiz. Selaouamp doc'h Bernard Guérin ha Thierry Ollivier a oa é penn ketan ar gerlenn. Doc'h mikro Yaelle ar Mouel.