Abaoe disadorn ha betek fenoz, 'mañ ar redadeg beloioù Kreiz Breizh Elites, etre tri departamant, Aodoù An Arvor, Penn ar Bed, ha Morbihan. Hirie 'vo roet lañs da 12e17 e Plougernevel, evit degouezhout adalek 4e goude merenn e Rostrenn, war-lerc'h ur pennad 163,2 km a hent. Dec'h 'oa daou bennad hent da gas, etre Pleurdud ha Kallag, ha war-dro da Garaez. Ha disadorn 'oa etre Kalanel, 'kichen Kallag, ha Plourae, e gwalarn ar Morbihan. Un tamm sell war istor ha talvoudegezh ar redadeg-mañ gant Pierre Thomas, unan deus pennoù an aozañ, e fin an devezh kentañ, disadorn.