Benn ar Sadorn 12 a viz Even 'vo roet enor dezhi e Kemper, en ul lakaat war-wel kanaouennoù brudet ha lod all dianav ar vaouez yaouank aet d'an anaon pa ne oa ket 30 vloaz c'hoazh. Ur mignon tost dezhi, Gérard Classe an hini eo, a zalc'h gant koun Danielle Messia 'benn treuskas he c'hanaouennoù dre bladennoù met ivez oc'h aozañ ar sonadeg e Kemper. Tri arzour a vo war al leurenn da ganañ Messia ; en o zouez ar ganerezed Clarisse Lavanant hag Adélaide. Selaouomp pelloc'h gant Clarisse Lavanant, nevez desket brezhoneg ganti. Emañ ouzh mikro Katell Uguen.